VPS Ukrainy: Z bolš čym 50 rasijskich rakiet źbityja 44
Kamandavańnie vajenna-pavietranych sił Ukrainy paviedamiła, što siłami SPA hetym ranicaj ŭdałosia źbić 44 rasijskich kryłatych rakiety, zapuščanyja pa Ukrainie. Ahułam Rasija zapuściła bolš za 50 rakiet.
31.10.2022 / 12:21
Kamandavańnie paviedamiła, što z 7 ranicy pa miascovym časie 31 kastryčnika rasijskija vojski ździejśnili niekalki chvalaŭ rakietnych napadaŭ pa abjektach krytyčnaj infrastruktury Ukrainy.
Kryłatyja rakiety Ch-101/Ch-555 byli vypuščanyja z samalotaŭ-rakietanoscaŭ stratehičnaj avijacyi Tu-95 / Tu-160 z paŭnočnaj častki Kaśpijskaha mora, a taksama z Vałhadonska ŭ Rastoŭskaj vobłaści.
«44 kryłatyja rakiety byli źniščanyja siłami i srodkami pavietranych sił. U zonach adkaznaści pavietranaha kamandavańnia «Centr» — 18, pavietranaha kamandavańnia «Poŭdzień» — 12, pavietranaha kamandavańnia «Uschod» — 9, pavietranaha kamandavańnia «Zachad» — 5», — havorycca ŭ paviedamleńni.