U Viciebskim univiersitecie zasaromielisia hulni «Vorah naroda», afišu padkarektavali
Niekalki dzion tamu prajšła infarmacyja, što na 3 i 4 listapada ŭ Viciebskim dziaržaŭnym univiersitecie imia Mašerava anansavana mierapryjemstva, prymierkavanaje da čarhovaj hadaviny Kastryčnickaj revalucyi 1917 hoda. Zapłanavanyja mierapryjemstvy vyhladali skandalna. Ale historyja mieła niečakany praciah, zaŭvažyła vydańnie «Viciebski kurjer».
01.11.2022 / 17:32
Nahadajem, što, pavodle apublikavanaj afišy mierapryjemstva na 14.00 4 listapada, byŭ zapłanavany anłajn-kinaprahlad razam z rasijskimi kalehami z Pskoŭskaha ŭniviersiteta papularnaj u saviecki čas ideałahičnaj kazki Arkadzia Hajdara pra Malčyša-Kibalčyša z nastupnym abmierkavańniem.
Ale najbolšuju niehatyŭnuju reakcyju vyklikała mierapryjemstva, pryznačanaje na 17.00. Na hety čas zapłanavanaja nastolnaja rolevaja hulnia «Vorah naroda», jakaja budzie pravodzicca pa matyvach hulni «Mafija».
Vidać, hramadskaja dumka akazała peŭny ŭpłyŭ na arhanizataraŭ mierapryjemstvaŭ, bo ŭ novaj viersii afišy, jakoj zamianili papiaredniuju, užo nie paznačana ni toje, jakaja kazka budzie prahladacca i abmiarkoŭvacca, ni jak budzie nazyvacca rolevaja hulnia. Adnak sami mierapryjemstvy nie admienienyja i nieviadoma, ci skarektavany ich źmiest.