Ministr abarony Vialikabrytanii: Rasija paciarpieła «stratehičnuju parazu»
Ministr abarony Vialikabrytanii Ben Uoles nazvaŭ «stratehičnaj parazaj» adychod rasijskaha vojska z Chiersona i z pravaha bieraha raki Dniapro. Pavodle jaho acenki, uziaccie Chiersona było adzinaj stratehičnaj metaj, jakuju rasijskaja armija zmahła dasiahnuć u samym pačatku vajny.
12.11.2022 / 16:12
SCANPIX/AP/Tristan Fewings
«Ciapier, kali jaho [horad] zdajuć, prostyja ludzi ŭ Rasii pavinny, vierahodna, zadać sabie pytańnie: «Navošta ŭsio heta było?» U vyniku niezakonnaha ŭvarvańnia rasijskaja armija paniesła vialikija straty ŭ žyvoj sile, a damahłasia tolki mižnarodnaj izalacyi i prynižeńnia», — skazaŭ ministr abarony.
Pa słovach Bena Uolesa, Ukraina praciahnie nastupać, a Vialikabrytanija i mižnarodnaja supolnaść praciahnuć padtrymlivać jaje.
«Choć adstupleńnie i raduje, nielha niedaaceńvać pahrozu, jakaja praciahvaje zychodzić ad Rasijskaj Fiederacyi», — havorycca ŭ kamientary ministra abarony Złučanaha Karaleŭstva.