Ajcišnicu sa Ždanovičaŭ asudzili za ŭdzieł u akcyi pratestu ŭ 2020 hodzie
Sud Leninskaha rajona Minska vynies prysud 32-hadovaj supracoŭnicy IT-kampanii Anastasii Huńko. Jaje abvinavacili ŭ arhanizacyi albo padrychtoŭcy dziejańniaŭ, jakija hruba parušajuć hramadski paradak (č. 1 art. 342 Kryminalnaha kodeksa), paviedamlaje «Viasna».
14.11.2022 / 09:37
Spravu razhladała suddzia Julija Šut.
Pra zatrymańnie žycharki Ždanovičaŭ stała viadoma 12 žniŭnia. Tady praŭładnyja telehram-kanały paviedamili pra zatrymańnie supracoŭnicy IT-kampanii Anastasii Huńko. Pavodle ich, u 2020-ym hodzie dziaŭčyna prymała ŭdzieł u akcyjach pratestu i pierakryvała ruch transpartu. Na «pakajalnym videa» Anastasiju prymusili navat nazvać svoj zarobak.
Pa materyjałach abvinavačańnia, «jana vykarystoŭvała ŭ jakaści pratesnaj simvoliki pałatno bieł-čyrvona-biełaha koleru, ruchałasia pa prajeznaj častcy praśpiekta Niezaležnaści ŭ Minsku, błakavała i zaharodžvała darohu transpartnym srodkam, što pryviało da parušeńnia pracy hramadskaha transpartu».
Na sudzie svaju vinu pryznała, paviedamiła, što łozunhaŭ nie vykrykvała, a padčas udziełu ŭ niesankcyjanavanym masavym mierapryjemstvie pry sabie mieła ściah, pa jakim jaje i apaznali paźniej na fotazdymku.
Sud pryznačyŭ Anastasii Huńko pakarańnie ŭ vyhladzie abmiežavańnia voli biez nakiravańnia ŭ papraŭčuju ŭstanovu adkrytaha typu terminam na 2 hady, vyzvaliŭšy z-pad aryštu ŭ zale suda.