У Гомелі паспяхова прааперыравалі двух дзяцей з прыроджанымі дэфармацыямі хрыбта
У Гомельскай абласной дзіцячай бальніцы 17 лістапада правялі дзве ўнікальныя аперацыі двум дзецям з прыроджанымі дэфармацыямі хрыбта, паведаміла прэс-служба Міністэрства аховы здароўя.
17.11.2022 / 23:57
Фота: t.me/minzdravbelarus
Аперацыі правялі дваім дзецям 6 і 8 гадоў з прыроджанай дэфармацыяй хрыбта, з-за якой звычайна людзі асуджаныя на пажыццёвую інваліднасць. Іх выканала брыгада хірургаў, анестэзіёлагаў-рэаніматолагаў і іншых спецыялістаў РНПЦ траўматалогіі і артапедыі, Гомельскай абласной бальніцы і Гомельскай абласной дзіцячай бальніцы на чале з галоўным пазаштатным дзіцячым траўматолагам-артапедам Міністэрства аховы здароўя Дзмітрыем Цесаковым.
У ходзе аперацыі ў хрыбет ставіцца спецыяльная металаканструкцыя: гэта беларуская распрацоўка, вырабленая з тытанавых сплаваў.