ISW: U Rasii praciahvajecca mabilizacyja
Rasijskija ŭłady rychtujucca praciahnuć schavanuju mabilizacyju navat padčas vosieńskaha pryzyvu, paviedamlaje amierykanski Instytut vyvučeńnia vajny (ISW). Na dumku ekśpiertaŭ, heta stvoryć dadatkovuju nahruzku na i biez taho pierahružany rasijski aparat farmiravańnia vajskovaha reziervu.
19.11.2022 / 09:44
Fota: AP
Rasijskija telehram-kanały 18 listapada aktyŭna abmiarkoŭvali prykmiety taho, što Kreml rychtujecca da druhoj chvali mabilizacyi. U pryvatnaści, jany raspaŭsiudzili ŭ sietcy fota pozvy, atrymanaj pieciarburžcam, jakomu było zahadana źjavicca na mabilizacyju ŭ studzieni 2023 hoda nasupierak zajavie Uładzimira Pucina ab zakančeńni častkovaj mabilizacyi 31 kastryčnika, piša ISW.
Vidavočna, što rasijskija ŭłady całkam nie spynili mabilizacyjnyja mierapryjemstvy, a heta aznačaje, što niekatoraja kolkaść mabilizavanych pa-raniejšamu prachodzić padrychtoŭku adnačasova z pryzyŭnikami terminovaj słužby.
Heta, vierahodna, pryviadzie da jašče bolš nizkaj jakaści padrychtoŭki jak mabilizavanych, tak i pryzyŭnikoŭ. Čarhovaja chvala mabilizacyi ŭ bližejšyja miesiacy tolki pahoršyć situacyju i, vierahodna, ahulnuju jakaść rasijskich vojskaŭ, jakija buduć pierakinutyja na pieradavuju va Ukrainie, ličać ekśpierty.