Jašče adnaho palitviaźnia źbirajucca pieravodzić na turemny režym
Pa infarmacyi pravaabaroncaŭ, administracyja papraŭčaj kałonii № 22 choča ŭzmacnić pakarańnie čarhovamu palitviaźniu. Tak, u sudzie Ivacevickaha rajona 23 listapada budzie razhladacca sprava ab pieravodzie Alaksandra Rajentava ŭ turmu i źmienie ŭmoŭ režymu.
21.11.2022 / 15:57
Rašeńnie budzie prymać suddzia Siarhiej Kuchackavalec. Viadoma, što ŭ červieni palitviaźnia źmiaščali ŭ PKT.
Nahadajem, Rajentaŭ pieršy raz byŭ žorstka zatrymany 29 žniŭnia ŭ tralejbusie razam sa svajoj siastroj Natallaj. Videa zatrymańnia raźlaciełasia pa ŚMI i sacyjalnych sietkach. Tady Alaksandr atrymaŭ aryšt, na jaho siastru zaviali kryminalnuju spravu.
Pa kryminalnaj spravie jon byŭ zatrymany ŭ pačatku śniežnia. Jaho abvinavacili pa art. 342 KK i pa art. 363 KK. 17 maja 2021 hoda Alaksandra pakarali 5 hadami kałonii.
Padtrymajcie palitviaźnia: PK № 22, 225295, Bresckaja vobłaść, h. Ivacevičy, st. Damanava, a/s 20, Alaksandr Siarhiejevič Rajentaŭ