Brytanskaja raźviedka: Rasija, vidać, zraschodavała amal usie iranskija drony, što ŭ jaje byli
Siońniašniaja spravazdača raźviedki brytanskaha Minabarony pryśviečana iranskim dronam, jakija ŭ apošni čas aktyŭna vykarystoŭvaje rasijskaja armija ŭ vajnie suprać Ukrainy.
23.11.2022 / 11:30
Jak havorycca ŭ paviedamleńni, u apošni čas Rasija, vierahodna, starałasia nanosić udary dronami pa miedycynskich ustanovach, kali znachodziła ich.
«Rasija, vierahodna, zadumała kampaniju z BPŁA, kab kampiensavać vostry niedachop kryłatych rakiet. Ale hety padychod mieŭ abmiežavany pośpiech. Bolšaść zapuščanych BPŁA byli abiasškodžanyja», — paviedamlaje brytanskaja vajskovaja raźviedka.
Jana adznačaje, što pra ŭdary iranskich dronaŭ-kamikadze publična nie paviedamlałasia prykładna z 17 listapada 2022 hoda.
«Rasija, vierahodna, amal vyčarpała svoj biahučy zapas, ale, chutčej za ŭsio, budzie sprabavać papoŭnić jaho», — miarkuje Minabarony, tak jak zakuplać bieśpiłotniki za miažoj Rasija moža chutčej, čym vyrablać novyja kryłatyja rakiety samastojna.