Іран вырваў перамогу ва Уэльса, забіўшы два галы пасля 98-й хвіліны
2:0 — адзін з самых папулярных лікаў на чэмпіянаце свету.
25.11.2022 / 15:22
Фота: Павел Галоўкін, AP
Зборная Ірана ў матчы групавога турніру ЧС-2022 абыграла Уэльс з лікам 2:0.
На 98-й хвіліне вызначыўся Рузбех Чэшмі, а на 101-й гол забіў Рамін Рэзаян.
На 86-й хвіліне валійцы засталіся ўдзесяцёх пасля выдалення брамніка Уэйна Хенесі, які збіў нагой у сярэдзіне поля іранскага гульца.
Англія — 3 ачкі (1 гульня), Іран — 3 (2 гульні), ЗША — 1 (1), Уэльс — 1 (2).
Англія і ЗША згуляюць а 22-й гадзіне. Уэльс у аўторак згуляе заключны матч з Англіяй.