Hvatemała pazbaviła dazvołu na žycharstva biełarusku, jakaja trapiła pad sankcyi
Niadaŭna Minfin ZŠA ŭvioŭ sankcyi suprać biełaruski Iryny Litviniuk, Dźmitryja Kudrakova z Rasii i troch kampanij, źviazanych z karupcyjnymi schiemami ŭ Hvatemale. Hvatemalskija ŭłady adreahavali na heta pazbaŭleńniem Litviniuk i Kudrakova dazvołaŭ na žycharstva ŭ krainie.
27.11.2022 / 14:51
«U adpaviednaści z rašeńniem, pryniatym Radaj nacbiaśpieki ab mihracyjnym stanoviščy spadara Dźmitryja Kudrakova i spadaryni Iryny Litviniuk, i ŭličvajučy, što jany pakinuli nacyjanalnuju terytoryju, Hvatemalski instytut mihracyi prainfarmavaŭ Nacupraŭleńnie pa mihracyi ab prypynieńni dziejańnia ich vidu na žycharstva», — havorycca ŭ dakumiencie, vydadzienym Hvatemalskim instytutam mihracyi.
Kudrakoŭ i Litviniuk, jak miarkujecca, «na praciahu niekalkich hadoŭ kiravali šmatlikimi karupcyjnymi schiemami z udziełam palitykaŭ, suddziaŭ i dziaržsłužačych». Akramia hetaha, Litviniuk ździajśniała karupcyjnyja dziejańni ŭ padtrymku rasijskich schiem upłyvu, niezakonna pieradajučy najaŭnyja hrošy dziaržaŭnym słužboŭcam u abmien na padtrymku intaresaŭ Rasii ŭ zdabyčy karysnych vykapniaŭ.