Z Kubani pad Baranavičy pierakidajuć ZRK «Tor»
Pra pieravozku čyhunkaj z Rasii ŭ Biełaruś rasijskaha ZRK «Tor-M2» paviedamiŭ telehram-kanał «Supolnaść čyhunačnikaŭ Biełarusi».
28.11.2022 / 18:34
Zienitna-rakietny kompleks «Tor». Fota: Vikipiedyja
Pavodle źviestak kanała, 25 listapada ŭ 14:04 sa stancyi Jejsk u Krasnadarskim krai na stancyju Lasnaja pad Baranavičy byŭ adpraŭleny vajskovy ešałon №961, u składzie jakoha znachodziłasia nie mienš za 15 adzinak ZRK «Tor-M2» i 10 adzinak inžyniernaj techniki.
Siońnia ŭ 10:40 hety ciahnik prybyŭ na stancyju Orša-Centralnaja, a ŭ Barysavie jon byŭ u 15:50. Takim čynam, praz 4 sutak darohi hruz užo praktyčna prybyŭ na miesca pryznačeńnia.