На волю выйшла палітзняволеная Ірына Паляніна
Як паведамляе ініцыятыва DissidentBY Ірына Паляніна, якая адбывала тэрмін у жаночай калоніі № 24, у лістападзе выйшла на волю.
01.12.2022 / 20:09
Ірына — жыхарка Пастаў, якую асудзілі да двух гадоў калоніі паводле арт. 369 КК (абраза прадстаўніка ўлады) і арт. 295 КК (незаконныя дзеянні ў дачыненні да агнястрэльнай зброі).
Яе абвінавацілі ў тым, што ў снежні 2020 года жанчына размясціла абразлівы каментар у сацыяльнай сетцы пад фотаздымкам начальніка Пастаўскага РАУС, а таксама захоўвала дома патроны ад малакалібернай вінтоўкі. Па словах Ірыны, патроны засталіся ад бацькі.