На Плошчы Незалежнасці паставілі ёлку. На ёй чырвона-зялёныя гілі
На Плошчы Незалежнасці скончылі манціраваць навагоднюю ёлку. У яе ёсць некаторыя асаблівасці, піша Citydog.by.
02.12.2022 / 10:17
Калі прыгледзецца да агароджы ёлкі, то на ёй можна ўбачыць гілёў і сінічак. І ўсё б нічога, калі б не незвычайны колер грудак у птушачак.
Напрыклад, у гіля, якога прырода ўзнагародзіла яркай бела-чырвонай грудкай, раптам з'явілася зялёнае адценне. Тая ж гісторыя з раптоўнай чырвона-зялёнай камбінацыяй колераў здарылася і з сініцай, у якой жоўтая грудка стандартна спалучаецца з дымчата-блакітнымі крыламі.
Застаецца здагадвацца, чым афарміцелям не спадабаліся чырвона-белы і жоўта-блакітныя спалучэнні колераў.