U Rasii pryznali «dyskredytacyjaj» vojska płakat «Ja lublu svajho tatu». Za hety nadpis sud pryznačyŭ štraf u pamiery amal $500
24 vieraśnia žycharka Kazani Śviatłana Paciarachina vyjšła z takim płakatam na akcyju suprać mabilizacyi. Jaje razam ź inšymi dziaŭčatami zatrymali i advieźli ŭ addzieł palicyi, dzie pratrymali dvoje sutak.
04.12.2022 / 15:09
Pa słovach dziaŭčyny, palicyjanty pahražali im «zalić piercam i puścić pa kole», kali nie addaduć telefony. Na prośbu dać vady im skazali «pić z unitaza», a adna ź dziaŭčat straciła prytomnaść ad hoładu.
Sud aštrafavaŭ Paciarachinu na 30 tysiač rasijskich rubloŭ ($486) za dyskredytacyju vojska.