Starejšy syn Makieja ŭsio ž byŭ na pachavańni baćki, ale nie siadzieŭ pobač ź Vieraj Palakovaj
Raniej paviedamlałasia, što starejšy syn Uładzimira Makieja, Vital, nie prysutničaŭ na pachavańni baćki — jaho nie było na aficyjnych fotazdymkach z Doma aficeraŭ, dzie Alaksandr Łukašenka cisnuŭ ruki svajakam. Ale, jak stała viadoma «Našaj Nivie», Vital Makiej nie prysutničaŭ tolki na aficyjnaj častcy.
04.12.2022 / 18:50
Raźvitańnie z Uładzimiram Makiejem
«Syn byŭ, jaho bačyli. Jon pryjšoŭ užo na mohiłki», — skazali nam surazmoŭcy.
Pryčyna, čamu Vitala Makieja nie było ŭ Domie aficeraŭ, nieviadomaja.
Vital Makiej — syn Uładzimira Makieja ad pieršaha šlubu. Akciorka Viera Palakova — druhaja žonka ministra, u druhim šlubie ŭ Makieja naradziŭsia syn Arciom.
Vital Makiej. Fota: MZS Biełarusi
Starejšy syn Uładzimira Makieja, Vital, u 2020 hodzie zvolniŭsia ź Ministerstva zamiežnych spraŭ, što było ŭspryniata naziralnikami jak maŭklivy pratest suprać falsifikacyi vybaraŭ i hvałtu. U 2021 hodzie jon raskrytykavaŭ viedamstva svajho baćki za chamstva i stratu maralnych aryjenciraŭ.