Usievaład Ścieburaka. My ciapier pišam mima šuflady. Vierš
Usievaład Ścieburaka apublikavaŭ u fejsbuku novy vierš.
08.12.2022 / 09:05
***
My ciapier pišam mima šuflady,
my ciapier pišam adrazu ŭ kamin.
Heta bolš, čym pryznańnie
i bolš, čym spahada,
heta — i kamin aŭt
i kamin in.
My ciapier pišam,
kab prosta sahrecca,
nie prahučać, a adčuć ciepłyniu.
Heta cišaj za ŭdary serca,
i intymniej luboha niu.
I ŭsio ž za vidziežaj niaŭłoŭnych rysak,
što dymam źlatajuć
u vyšyniu,
vierycca nam,
što chałodny prysak
byŭ karotkim prystankam ahniu.