Łukašenka: My z Rasijaj. A ŭ sajuznych prahramach niama zamachu na biełaruski suvierenitet
Alaksandr Łukašenka zajaviŭ, što Biełaruś nikoli nie budzie voraham Rasii, i staŭ pierakonvać u biaskryŭdnaści sajuznych damoŭlenaściaŭ.
16.12.2022 / 12:02
«Tak, my z Rasijaj. Jak suvierennaja i niezaležnaja dziaržava», — pryvodzić słovy palityka BiełTA.
Jon pierakonvaje, što ni ŭ adnoj sajuznaj prahramie niama zamachaŭ na biełaruski suvierenitet i niezaležnaść.
Łukašenka adznačyŭ, što na pieršy płan u realizacyi sajuznych prahram vychodziać pytańni cenaŭtvareńnia na enierharesursy, bo ad hetaha zaležyć kankurentazdolnaść biełaruskaj ekanomiki.
«Nahadaju, sajuznaj prahramaj pa farmiravańni abjadnanaha rynku hazu praduhledžany kankretnyja mierapryjemstvy i terminy, jakija, na žal, pa-mojmu, nie realizavanyja. Jany prosta sarvanyja. Chto niasie za heta adkaznaść i jak budziem vypraŭlać situacyju?» — spytaŭ jon čynoŭnikaŭ na naradzie.