Suddziu, jaki pryznačyŭ štraf bratu Darji Domračavaj u 2020-m, adpravili ŭ adstaŭku
Zhodna z farmuloŭkaj ukaza, Alaksandr Bryčkoŭ bolš nie budzie suddzioj u Frunzienskim rajonnym sudzie Minska «pa ŭłasnym žadańni», piša «Jeŭraradyjo».
17.12.2022 / 10:53
Zhodna z padlikami inicyjatyvy «Zubr», za čas svajoj pracy Bryčkoŭ pryznačyŭ pa palityčnych artykułach štrafaŭ jak minimum na 3 680 rubloŭ, a taksama 84 sutki aryštu.
Adnoj sa spraŭ, jakuju razhladaŭ Bryčkoŭ, była sprava suprać brata alimpijskaj čempijonki Darji Domračavaj — Mikity Domračava. Jaho zatrymali 11 kastryčnika 2020-ha. Mužčyna jechaŭ pa nabiarežnaj Śvisłačy — pa jaho słovach, adviedać maci. Domračava ściahnuli z rovara i mocna źbili. Z RUUS jaho zabrała chutkaja. U vyniku jaho pryznali vinavatym va ŭdziele ŭ akcyi i aštrafavali na 20 bazavych.