На пажары ў доме на бульвары Шаўчэнкі загінула 11-гадовае дзіця
У МНС распавялі некаторыя дэталі выбуху і пажару, якія адбыліся сёння ноччу ў доме на бульвары Шаўчэнкі ў Мінску.
17.12.2022 / 11:04
Акрамя версіі аб выбуху газу, разглядаецца версія, што прычынай пажару стала ўспышка пароў лёгкаўзгаральнай вадкасці. Пра гэта сведчаць знойдзеныя ў адной з кватэр ёмістасці, у якіх, магчыма, захоўвалася гэтая вадкасць.
Следчым камітэтам распачата крымінальная справа.
На месцы здарэння працавала 16 адзінак пажарнай аварыйна-выратавальнай тэхнікі, больш за 70 ратавальнікаў.
Паведамленне аб пажары паступіла ратавальнікам у 03:35. Пажар быў ліквідаваны ў 04:08.
Загінулі шэсць чалавек, у тым ліку 11-гадовае дзіця. Тры чалавекі ў цяжкім стане шпіталізаваныя.