Hubiernatar Biełharadskaj vobłaści paviedamiŭ pra hibiel miascovaha žychara ŭ vyniku abstrełu
U Biełharodskaj vobłaści ŭ vyniku abstrełu zahinuŭ jak minimum adzin čałaviek, paviedamiŭ u svaim telehram-kanale hubiernatar Biełharodskaj vobłaści Viačasłaŭ Hładkoŭ, pieradaje «Bi-bi-si».
18.12.2022 / 15:42
Jon taksama paviedamiŭ, što ŭ samim horadzie čatyry čałavieki atrymali ranieńni siaredniaj ciažkaści.
Raniej, u 12:36, stała viadoma, što nad horadam i jaho navakollem spracavała sistema SPA.
Pra charaktar abstrełu, metaŭ i napramkaŭ, adkul jon uziaŭsia, hubiernatar nie raskazaŭ, adnak u jaho paviedamleńni havorycca ab «prylocie snarada».
Pa słovach hubiernatara, u horadzie ŭ mikrarajonie «Pramień» paškodžanyja šyby ŭ čatyroch šmatkvaternych damach, u pryvatnym siektary paškodžanyja 14 damoŭ i dzieviać aŭtamabilaŭ, adnak pra charaktar hetych paškodžańniaŭ hubiernatar taksama nie raspavioŭ.
U Biełharadskim rajonie, pa jaho słovach, paškodžanaja ptuškafabryka.