Velum z kalučaha drotu — epatažnaja mastačka pryśviaciła pracu palitviaźniam
Mastačka Ciemra pakazała svaju novuju pracu «Pałon». Heta žałobny velum z uzoram z kalučaha drotu i karona z drotu ź dźviuma šklanymi ślazinami.
19.12.2022 / 13:07
Skrynšot: videa ź jutuba Ciemry
Mastačka pryśviaciła pracu biełaruskim palityčnym źniavolenym.
«Hetaj pracaj ja prajaŭlaju svaju salidarnaść i vykazvaju zachapleńnie siłaj duchu i hodnaści, ź jakimi ludzi prachodziać heta ciažkaje vyprabavańnie. Biełarusam, zachoplenym u turemny pałon za svaju čałaviečnaść u baraćbie za svabodu», — napisała jana.
Ciemra — mastačka rodam z Hrodna, ciapier žyvie ŭ Varšavie. Taki psieŭdanim jana abrała, bo bolšaja častka jaje tvorčaści adlustroŭvaje niepryhožy, ciomny bok čałaviečaha žyćcia. Jaje pracy — praniźlivaje, rezkaje vykazvańnie pra aktualnyja padziei i temy, źviazanyja z nacyjanalnaj identyčnaściu, traŭmaj, kulturaj spažyvańnia.