Słužba dziaržbiaśpieki Łatvii zaklikała svaich hramadzian nie jeździć u Biełaruś i Rasiju na zimovyja śviaty
Rekamiendacyja łatvijskaj śpiecsłužby vyklikanaja «najaŭnymi ryzykami biaśpieki ŭ rehijonie» ŭ suviazi z raźviazanaj Kramlom vajnoj suprać Ukrainy, a taksama «ahresiŭnaj rytorykaj» Rasii ŭ dačynieńni da Łatvii.
22.12.2022 / 22:37
U SDB Łatvii nahadali, što śpiecsłužby Minska i Maskvy «čaściej za ŭsio sprabujuć zavierbavać hramadzian Łatvii niepasredna na terytoryi svaich krain».
Tamu łatvijskaja śpiecsłužba rekamienduje hramadzianam «być aściarožnymi» pry kantaktach ź lubymi rasijskimi i biełaruskimi dziaržaŭnymi ŭstanovami, a taksama asobami, jakija pracujuć na dziaržpradpryjemstvach, VNU, u navukova-daśledčych instytutach i śfiery vysokich technałohij.
U toj ža čas pajechać łatyšam u Biełaruś ciapier vielmi prosta. Viasnoj hetaha hoda Łukašenka ŭvioŭ biaźvizavy režym ujezdu dla hramadzian Litvy i Łatvii, letam — dla hramadzian Polščy. 21 śniežnia biaźvizavy režym praciahnuli na ŭvieś 2023 hod.