З'явілася аўдыяверсія вершаванай казкі «Мышыныя Каляды»
Пра выхад аўдыяверсіі вершаванай казкі Антона Францішка Брыля «Мышыныя Каляды» паведамляецца на старонцы праекта «Кніжны воз» у фэйсбуку.
23.12.2022 / 21:42
«Яшчэ зусім нядаўна выйшла друкаваная версія з чароўнымі ілюстрацыямі Лізаветы Лянкевіч, а вось цяпер і аўдыёверсія!
І яна такая цёплая ў нас выйшла, што, здаецца, можна прытуліцца і сагрэцца. «Мышыныя Каляды» — вершаваная казка пра тое, як маленькія мышаняты зладзілі на гарышчы вялікую забаву на старадаўні лад», — пішуць выдаўцы.
Чытае — Крысціна Дробыш (яна ж рэдактарка і рэжысёрка запісу).
Музыка — Аляксандра Грахоўская.
Мантаж, апрацоўка гуку — Яўген Дзячэк.
Паслухаць «Мышыныя Каляды» можна тут.