Elitny trajpłaŭski EVO Wellness club pradajuć. Jakaja cana?
Zusim chutka novy ŭłaśnik moža źjavicca ŭ «trajpłaŭskaha» Evo wellness club — elitnaha kompleksu, u jakim jość usio dla bahatych i znakamitych: sałon pryhažości, spa, basiejn, fitnies-kłub, restaran. Raźmieščany budynak na vulicy Bahdanoviča, 155 b,v, piša Onliner.by.
27.12.2022 / 16:16
Evo wellness club prysutničaje na našym rynku voś užo ź dziasiatak hadoŭ. Sotnia supracoŭnikaŭ, vialikaja klijenckaja baza (kala 1800 čałaviek), vydatnaje abstalavańnie, pasłuhi premijalnaha ŭzroŭniu. I košt za ŭsio heta adpaviedny: pravieści čas u kłubie moža dazvolić sabie daloka nie kožny.
Ale, jak ni dziŭna, spravy ŭ pradpryjemstva, što achutana floram zahadkavaści, iduć nie tak paśpiachova, jak chaciełasia b. Pa acency śpiecyjalistaŭ, hety filijał kampanii «Trajpł» «demanstruje admoŭnyja finansavyja vyniki za apošnija šeść hadoŭ». Jość navat tablica, u jakoj vyrazna prapisany minus. I, treba pryznać, ličby ŭražvajuć.
I voś ŭłaśnik, kampanija «Trajpł», vyrašyŭ vystavić biznes na aŭkcyjon. Abjava raźmieščanaja na placoŭcy «Biełrealizacyi». Tarhi projduć 5 studzienia 2023 hoda. Charakterna, što tarhi buduć iści na panižeńnie koštu. Startujuć z 13 348 000 rubloŭ. Krok aŭkcyjonu — 667 400 rubloŭ. Minimalnaja cana, za jakuju ŭłaśnik hatovy rasstacca sa svaim pradpryjemstvam, — 12 013 200 rubloŭ (heta ciapier prykładna $4 510 000).
«Skład majomasnaha kompleksu dazvalaje ažyćciaŭlać asnoŭnuju dziejnaść filijała, źviazanuju z akazańniem kaśmietałahičnych, fizkulturna-azdaraŭlenčych pasłuh, a taksama pasłuh ahulnaha charčavańnia i handlu. Miescaznachodžańnie charaktaryzujecca zručnaj transpartnaj infrastrukturaj i zabiaśpiečanaściu nieabchodnymi sučasnymi pieradatačnymi pryładami», — kanstatujuć acenščyki.