Palitźniavolenuju asudzili na dva hady «chatniaj chimii» za ŭdzieł u žnivieńskich pratestach 9-10 žniŭnia 2020 hoda
U sudzie Leninskaha rajona Minska 28 śniežnia asudzili palitźniavolenuju Ksieniju Kotavu pavodle č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich) Kryminalnaha kodeksa.
28.12.2022 / 13:53
Suddzia Maryna Klimčuk pryznačyła dziaŭčynie 2 hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaja chimija»), paviedamlajuć pravaabaroncy.
Ksienija Kotava była zatrymana na pačatku kastryčnika 2022 hoda. Na «pakajalnym videa» dziaŭčyna kaža, što mieła tatuiroŭku «ASAV», była na Puškinskaj 9-10 žniŭnia 2020 hoda, a taksama nibyta dałučyłasia da płana «Pieramoha».
Viadoma, što dziaŭčynu paśla administracyjnaha aryštu pieraviali ŭ SIZA.