U Francyi zatrymali ŭkrainskaha miljardera
Zapyt na jaho zatrymańnie vydała ŭkrainskaje Dziaržaŭnaje biuro rasśledavańniaŭ.
28.12.2022 / 15:00
Ukrainskaha biznesoŭca i byłoha narodnaha deputata Kanstancina Ževaha zatrymali na harnałyžnym kurorcie Kuršaviel u Francyi pa zapycie Dziaržaŭnaha biuro rasśledavańniaŭ.
Pra heta zajaviła daradca pa kamunikacyjach Dziaržaŭnaha biuro rasśledavańniaŭ Taćciana Safjan u efiry nacyjanalnaha telemarafonu navin.
Ževaha — fihurant niekalkich kryminalnych spraŭ DBR.
Jaho abvinačvajuć, u pryvatnaści, što jon nibyta arhanizavaŭ rastratu banka «Finansy i kredyt» na $113 młn. Taksama jaho vinavaciać i ŭ inšych rastratach.
Jaho zatrymali pradstaŭniki kryminalnaj palicyi Francyi 27 śniežnia ŭ adnym z hatelaŭ Kuršaviela. U biuro adznačyli, što eks-nardep sprabavaŭ asprečyć pravamiernaść zatrymańnia, ale ŭ vyniku pahadziŭsia pajści razam z pradstaŭnikami kampietentnych orhanaŭ Francyi. Siońnia, 28 śniežnia, budzie razhledžana prymianieńnie ekstradycyjnaha aryštu ŭ adnosinach da Ževahi ŭ sudzie horada Šambiery. DBR užo rychtuje nieabchodny pakiet dakumientaŭ dla jaho ekstradycyi va Ukrainu.