Ukrainskija ratavalniki na ŭsialaki vypadak evakujavali z Danbasa janota
Pra evakuacyju źviera, jaki ad niadaŭniaha času staŭ simvaličnym, paviedamiła ŭ svaim telehram-kanale Dziaržaŭnaja słužba nadzvyčajnych situacyj Ukrainy.
28.12.2022 / 17:38
«Nie… Nie… nie! Heta nie skradzieny akupantami janot z Chiersona! Heta janot z Danbasa, dzie našy ratavalniki dapamahajuć evakujavacca ŭ bolš biaśpiečnyja rehijony Ukrainy nie tolki mirnym hramadzianam, ale i puchnacikam», — padpisali ratavalniki fota.
Janot staŭ papularnaj i simvaličnaj va Ukrainie (i nie tolki) žyviolinaj paśla taho, jak rasijskija akupanty, vymušana adstupajučy z ukrainskaha Chiersona, vyvieźli adtul razam ź inšaj narabavanaj majomaściu i hadavanca ź miascovaha zaaparka. Hety zadakumientavany vypadak staŭ šyrokaviadomy i pasłužyŭ krynicaj dla šmatlikich miemaŭ.