Z novaha hoda vyraście kamunałka
Tradycyjna taryfy na žyllova-kamunalnyja pasłuhi pavyšajucca dva razy na hod: 1 studzienia i 1 červienia.
31.12.2022 / 14:04
Adpaviedny ŭkaz ab taryfach na ŽKP dla nasielnictva № 461 padpisaŭ 30 śniežnia Alaksandr Łukašenka.
Zhodna z dakumientam, u raźliku na typavuju dvuchpakajovuju kvateru z tryma žycharami pry narmatyŭnym spažyvańni pasłuh taryfy pavysiacca ŭ miežach 5 dalaraŭ.
Pavyšeńnie taryfaŭ na kamunałku projdzie ŭ dva etapy: z 1 studzienia — na žyllova-kamunalnyja pasłuhi, za vyklučeńniem aciapleńnia, u pamiery 9,53 rubla (3,42 dalara); z 1 červienia — na ciepłavuju i elektryčnuju enierhiju, pryrodny i zvadkavany haz dla aciapleńnia na 4,39 rubla (1,58 dalara).
Častka ludziej atrymaje subsidyi. Pieradusim heta hramadzianie i siemji, čyja štomiesiačnaja suma kamunalnych płaciažoŭ pieravyšaje 20% ich siaredniamiesiačnaha sukupnaha dachodu ŭ horadzie i 15% — u sielskaj miascovaści.