Rynak Ždanovičy ŭ Minsku całkam pierabudujuć
Minski harvykankam pryniaŭ rašeńnie, jakoje zaćviardžaje horadabudaŭničy prajekt detalovaha płanavańnia ŭ žyłym rajonie «Lebiadziny». Pavodle jaho, rynak Ždanovičy i prylehłyja da jaho terytoryi kardynalna abnoviacca. Dakumient pryniaty jašče ŭ vieraśni, ale na Nacyjanalnym pravavym partale jon apublikavany tolki ŭ apošni dzień minułaha hoda, piša Blizko.by.
03.01.2023 / 17:22
Zhodna z rašeńniem, płošča terytoryi, jakaja budzie rekanstrujavanaja, składaje 90,3 ha.
Miežy prajektavańnia:
- na poŭnačy — vulicy Cimirazieva, Ratamskaja, Kamajskaja;
- na ŭschodzie — skryžavańnie vulic Cimirazieva i Naračanskaj;
- na poŭdni — pałasa advodu čyhunki;
- na zachadzie — MKAD.
Pieršy etap rekanstrukcyi raźličany da 2026 hoda, a całkam realizavać prajekt chočuć da 2030-ha. Uzvodzić źbirajucca ŭ pieršuju čarhu šmatfunkcyjanalnyja hramadskija abjekty. A ŭ płanach — stvareńnie haradskoj prastory jak centra pryciahnieńnia ludziej.
Pabudujuć i niekalki śpiecyjalizavanych abjektaŭ handlu, administracyjna-dziełavy centr z parkinham. Nie abydziecca biez adkrytych dobraŭparadkavanych prastor. A jašče tam uładkujuć zručny transpartny vuzieł.
Praduhledžanaja rekanstrukcyja i madernizacyja budynkaŭ handlovych centraŭ «Budaŭničaja vystava», «Hrad», «Parkinh z handlovymi pamiaškańniami» i «Śviet mody».
Vulicy Naračanskaja i Ratamskaja pavodle hetaha prajekta pašyrać, vulicu Cimirazieva rekanstrujujuć. Da 2026 hoda ŭ pieršuju čarhu buduć vieścisia raboty na ŭčastkach № 1-8 (z boku centra — da vulicy Ratamskaj). Jany pakazanyja na hetaj schiemie.