Zabaroniać vykładku ałkaholu ŭ prykasavaj zonie
U Biełarusi zabaroniać vykładku ałkaholnych napojaŭ u prykasavaj zonie. Pra heta paviedamlaje Nacyjanalny pravavy internet-partał.
06.01.2023 / 16:40
Fota: sb.by
Ciapier u Praviły prodažu asobnych vidaŭ tavaraŭ uniesiena pałažeńnie ab tym, što nie dapuskajecca «vykładka ałkaholnych napojaŭ u miescy praviadzieńnia raźlikaŭ z pakupnikami, a taksama na (u) handlovym abstalavańni, niepasredna prylehłym da jaho».
Praŭda, zabarona nie datyčycca śpiecyjalizavanych i firmiennych kramaŭ pa prodažy ałkaholu, kramaŭ biaspošlinnaha handlu, kramaŭ i paviljonaŭ z handlovaj płoščaj mienš za 400 kv. m, kramaŭ, raźmieščanych u sielskaj miascovaści, aŭtałavak i abjektaŭ hramadskaha charčavańnia.
Pastanova pavinna ŭstupić u siłu 22 studzienia.