Znoŭ buduć sudzić Juryja Čyža
Viadomamu biznesoŭcu, zasnavalniku kampanii «Trajpł», kaliści adnamu z najbolš nabližanych da Łukašenki čałavieku Juryju Čyžu inkryminujuć adrazu niekalki artykułaŭ Kryminalnaha kodeksa. Sprava pryznačanaja da razhladu na 12 studzienia, piša «Narodnaja vola».
09.01.2023 / 21:11
Miarkujučy pa raskładzie suda Centralnaha rajona Minska, Juryju Čyžu mohuć być inkryminavanyja: artykuł 424 č. 2 Kryminalnaha kodeksa — «Złoŭžyvańnie ŭładaj ci słužbovymi paŭnamoctvami», artykuł 243 č. 2 — «Uchileńnie ad vypłaty sum padatkaŭ, zboraŭ (redakcyja straciła siłu 26.05.2021)», artykuł 235 č. 2 — «Lehalizacyja («admyvańnie») srodkaŭ, atrymanych złačynnym šlacham» i artykuł 209 č. 4 — «Machlarstva».
Paviedamlałasia, što pa pieršych dvuch artykułach Juryj Čyž byccam by byŭ pamiłavany, a taksama kampiensavaŭ pradjaŭlenuju jamu škodu. Čamu jany fihurujuć u raskładzie suda — pakul niajasna. Što tyčycca artykuła «Machlarstva», to hetyja abvinavačańni z Čyža nie byli źniatyja.
Sam Juryj Čyž dla kamientaroŭ pakul nie dastupny, adznačaje redakcyja «Narodnaj voli».
Kryminalnuju spravu zasnavalnika hrupy kampanij «Trajpł» budzie razhladać viadomy suddzia Valeryj Jeśman.