Bieraściejca asudzili na paŭtara hoda kałonii pa danosie «nieabyjakavaj rasijanki»
U Maskoŭskim sudzie Bresta asudzili Alaksandra Truša pavodle č. 1 art. 368 (abraza Łukašenki) KK. Suddzia Taćciana Łaŭraniuk asudziła Alaksandra na paŭtara hoda pazbaŭleńnia voli ŭ kałonii va ŭmovach ahulnaha režymu, piša «Viasna».
16.01.2023 / 19:53
Viadoma, što 16 žniŭnia 2022 hoda Alaksandr Truš u prysutnaści inšych ludziej zajaviŭ, što Łukašenka «zdradnik i fašyst». Razmova adbyłasia sa znajomymi na vulicy kala padjezda. Da kampanii padyšła žycharka doma i zapatrabavała zamaŭčać. Ale hetym nie abmiežavałasia: paśla taho jana patelefanavała ŭ milicyju i daniesła na Truša, što «ŭ dvary kampanija z 8 čałaviek, łajać uładu, nazyvajuć Łukašenku zdradnikam dy fašystam».
Sama ž hramadzianka Rasii, jakaja patelefanavała ŭ milicyju i paskardziłasia na Truša, spasłałasia na svaje hady i prasiła pazbavić jaje ad nieabchodnaści jaŭki na sud.