U minskich Drazdach na Vadochryšča zrobiać kupiel z padahrevam
Pa źviestkach Tavarystva vyratavańnia na vodach, akunucca ŭ pałonku na Vadochryšča płanujuć 102 tysiačy hramadzian. Kupieli z padahrevam, pavodle pradstaŭnika Tavarystva, buduć raźmieščanyja ŭ Minsku ŭ Drazdach i na plažy №8 u ahraharadku Ždanovičy.
16.01.2023 / 21:47
Vadochryšča 2022 hoda. Čyn aśviačeńnia vady kala Chrama Usich Śviatych u Minsku. Fota: Pavieł Rusak / minsknews.by
«Jany dla tych, chto nie pryvyk akunacca ŭ chałodnuju vadu, ale choča dałučycca da hetaha abradu», — raspavioŭ staršynia Minskaj haradskoj arhanizacyi Tavarystva vyratavańnia na vodach Dźmitryj Stasielka.
Pry hetym arhanizacyja nahadvaje: zachodzić u vadu na Vadochryšča možna tolki ŭ śpiecyjalna abstalavanych miescach, dzie dziažurać supracoŭniki MNS, rabotniki chutkaj dapamohi i supracoŭniki milicyi. Taksama tam pastaviać namioty dla pieraapranańnia i buduć pradavać ježu i haračyja napoi.