ZŠA ŭvodziać sankcyi suprać jašče 25 pradstaŭnikoŭ režymu
ZŠA ŭviali vizavyja abmiežavańni dla 25 čałaviek za padryŭ demakratyi ŭ Biełarusi. Pryčynaj dla hetaha stała raspačataja praktyka zavočnych sudovych pracesaŭ, zajaviŭ dziaržsakratar ZŠA Entani Blinkien. Pra heta paviedamlaje Reuters.
17.01.2023 / 18:13
Entani Blinkien. Fota: AP Photo/Andrew Harnik
Siarod čynoŭnikaŭ, suprać jakich uvodziacca novyja sankcyi Vašynhtona — členy Nacyjanalnaha schodu Biełarusi. Takim čynam adznačyli ich rolu ŭ pryniaćci zakanadaŭstva, jakoje dazvalaje vynosić śmiarotnyja pakarańni ludziam, asudžanym za teraryzm, bo hetuju normu Biełaruś moža vykarystoŭvać dla represij suprać apazicyi, jak skazaŭ Blinkien. Taksama na rašeńnie ZŠA paŭpłyvała ŭviadzieńnie ŭ zakanadaŭstva normaŭ, jakija dazvalajuć pazbaŭlać apazicyjanieraŭ hramadzianstva.
«My nie budziem stajać ubaku, bo hety režym praciahvaje pieraśledavać i represavać mirnych pratestoŭcaŭ, demakratyčnuju apazicyju, žurnalistaŭ, kiraŭnikoŭ prafsajuzaŭ, aktyvistaŭ, pravaabaroncaŭ i zvyčajnych biełarusaŭ», — adznačyŭ dziaržsakratar ZŠA.