U Minsku adkryŭsia paśla rekanstrukcyi budynak Dziaržinśpiekcyi achovy žyviolnaha i raślinnaha śvietu FOTA
Budynak raźmieščany na vulicy Charkaŭskaj. Simvaličnuju čyrvonuju stužku pierarezali pieršy namieśnik dziaržaŭnaha sakratara Rady biaśpieki Pavieł Muraviejka, staršynia Minharvykankama Uładzimir Kucharaŭ i načalnik Dziaržaŭnaj inśpiekcyi achovy žyviolnaha i raślinnaha śvietu pry Prezidencie Respubliki Biełaruś Juryj Cierciel, paviedamlajuć Minsk-naviny.
24.01.2023 / 16:03
Abnoŭleny budynak adkryŭsia napiaredadni 20-j hadaviny stvareńnia inśpiekcyi.
— Adno z samych hałoŭnych bahaćciaŭ našaj krainy — heta jaje pryroda, — adznačyŭ u pryvitalnym słovie kiraŭnik administracyi horada. — Toje, što nam dastałasia, my abaviazanyja zachavać. I rola inśpiekcyi ŭ hetym nieacennaja. Bo jaje supracoŭniki niepasredna na miescach zabiaśpiečvajuć abaronu pryrody. A dla hetaha nieabchodnaja ŭ tym liku i dobraja fizičnaja padrychtoŭka.
Rekanstrukcyja budynka Dziaržaŭnaj inśpiekcyi achovy žyviolnaha i raślinnaha śvietu prachodziła ŭ ścisłyja terminy. Budaŭniča-mantažnyja raboty zaniali trochi bolš za hod. Sučasnaje abličča nabyŭ fasad budynka, byŭ nadbudavany adzin pavierch, zapracavali trenažornaja i spartyŭnaja zały i dušavyja. A ŭ faje raźmiaścilisia hieraldyčnyja simvały.
— Pierad nami stajała zadača zrabić budynak centralnaha aparata maksimalna funkcyjanalnym u tym, što tyčycca padychodu da sučasnych umoŭ pracy, — padkreśliŭ Ju. Cierciel. — Bo kožny inśpiektar vykonvaje pastaŭlenyja pierad im zadačy ŭ lasach i na vadajomach. Akramia taho, nam było nieabchodnaje miesca dla zachoŭvańnia našych transpartnych srodkaŭ — hidracykłaŭ, kvadracykłaŭ, łodak. I ciapier u nas takaja mahčymaść źjaviłasia.
Tak vyhladaŭ budynak
Tak jon vyhladaje