PARIE pryznačyła dakładčyka pa vyvučeńni prablem biełarusaŭ u vyhnańni
Kamitet Parłamienckaj asamblei Rady Jeŭropy pa mihracyi, uciekačach i pieramieščanych asobach pryznačyŭ śpiecyjalnaha dakładčyka dla padrychtoŭki spravazdačy na temu «Vyrašeńnie dakładnych prablem, ź jakimi sutykajucca biełarusy ŭ vyhnańni». Im staŭ jeŭradeputat ź Luksiemburha Pol Hal, jaki paviedamiŭ pra heta ŭ fejsbuku.
27.01.2023 / 22:21
Fota: facebook.com/paulgallesluxembourg
Ciaham niekalki miesiacaŭ dakładčyk praviadzie kansultacyi ź biełaruskimi dyjasparami, arhanizacyjami, jakija dapamahajuć biełarusam za miažoj, a taksama z uładami niekatorych krain znachodžańnia biełarusaŭ.
Vyniki dakłada z praktyčnymi paradami dla krain buduć abmiarkoŭvacca ŭ PARIE ŭ kastryčniku 2023 hoda.
Akramia taho, na pasiadžeńni kamiteta prapanavali palehčyć praceduru atrymańnia vizaŭ i dazvołaŭ na žycharstva dla biełarusaŭ, jakija sutyknulisia z palityčnym pieraśledam.