ISW: Pucin rychtuje novy bujny nastup
Prezident Rasii Uładzimir Pucin spadziavajecca pierachapić inicyjatyvu i rychtuje novy bujny nastup, jaki moža pačacca ŭžo ŭ lutym abo sakaviku 2023 hoda, havorycca ŭ čarhovym dakładzie amierykanskaha Instytuta vyvučeńnia vajny.
28.01.2023 / 11:10
Fota Minabarony Rasii
Jak paviedamili ahienctvu Bloomberg insajdary Kramla, Pucin upeŭnieny, što pamiarkoŭnaść Rasii da vialikich vajskovych strat dazvolić joj vyjhrać vajnu ŭ doŭhaterminovaj pierśpiektyvie, niahledziačy na niaŭdačy.
Pa prahnozach ISW, Kreml, vierahodna, rychtujecca da praviadzieńnia bujnych stratehičnych apieracyj — chutčej za ŭsio, u Łuhanskaj vobłaści — u najbližejšyja šeść miesiacaŭ.
Niadaŭnija abmiežavanyja naziemnyja ataki Rasii ŭ Zaparožžy mohuć być nakiravanyja na adciahnieńnie ŭkrainskich sił i stvareńnie ŭmoŭ dla nastupleńnia ŭ Łuhanskaj vobłaści, ličać ekśpierty ISW.