U Pleščanicach spalili aŭtamabil načalnika DAI Łahojskaha RAUS
Zdareńnie adbyłosia jašče 24 studzienia kala druhoj hadziny nočy, paviedamlaje pablik «Łahojsk (nie)aficyjna».
31.01.2023 / 10:29
Jak vyśvietliłasia, pryčynaj pažaru byŭ padpał. Padazravany byŭ apieratyŭna zatrymany i va ŭsim pryznaŭsia. Im akazaŭsia miascovy žychar.
Pryčynaj padpału stała toje, što prykładna za miesiac da incydentu jaho pazbavili pravoŭ kiroŭcy na 5 hadoŭ i aštrafavali na 200 BV (tady heta 6400 rubloŭ) za kiravańnie transpartnym srodkam u stanie ałkaholnaha apjanieńnia.
Ciapier padpalščyku pahražaje da 10 hadoŭ pazbaŭleńnia voli pa č. 2 art. 218 Kryminalnaha kodeksa (naŭmysnaje źniščeńnie abo paškodžańnie majomaści ahulnaniebiaśpiečnym sposabam i pryčynieńnie značnaj škody). U čakańni suda jon znachodzicca pad vartaj.