U Rasii žančyna pakinuła antyvajenny nadpis u prybiralni. Jaje zatrymali
Žycharku Razanskaj vobłaści zatrymali za antyvajenny nadpis u žanočaj prybiralni handlovaha centra. Jana pakinuła jaho na ŭnutranych dźviarach kabinki, paviedamlaje BAZA.
31.01.2023 / 11:23
Nadpis źjaviŭsia ŭ prybiralni HC «Krotbiers» u horadzie Kasimaŭ 28 studzienia. Užo praz dva dni palicejskija zmahli vyjści na padazravanuju (jakim čynam — zastajecca tolki zdahadvacca).
Joj akazałasia 44-hadovaja miascovaja žycharka Julija Varakušyna.
Na žančynu skłali administracyjny pratakoł pavodle artykułu ab dyskredytacyi US RF. Varakušynaj pahražaje štraf da 50 tysiač rasijskich rubloŭ (kala 700 dalaraŭ).