Скура ды косці: Саакашвілі паказаў наступствы знаходжання пад вартай
Былы прэзідэнт Грузіі Міхаіл Саакашвілі на судовым пасяджэнні па відэасувязі прадэманстраваў, у якім фізічным стане ён знаходзіцца.
01.02.2023 / 15:13
Скрыншот відэа
Пасля таго, як Саакашвілі стаў здымаць майку, трансляцыю перапынілі.
Цяпер Саакашвілі, які знаходзіцца ў тбіліскай клініцы Viva med, перавялі ў рэанімацыю ў сувязі з пагаршэннем стану здароўя.
Некалькі дзён таму ў Саакашвілі быў дыягнаставаны каранавірус, тады ў клініцы заявілі, што неабходнасці пераводу яго ў рэанімацыю няма і захворванне праходзіць у лёгкай форме.
У турму Саакашвілі трапіў 1 кастрычніка 2021 года, калі вярнуўся ў Грузію. Суд пастанавіў, што за кратамі ён павінен правесці мінімум пяць гадоў.