Сэрвіс inmed.by рассылае эсэмэскі з прабачэннямі
Сэрвіс анлайн-запісу ў медцэнтры inmed.by, база якога нядаўна была зламаная, рассылае смс-паведамленні з выбачэннямі, піша «Народная воля».
01.02.2023 / 17:38
Фота ілюстрацыйнае
Нядаўна стала вядома пра ўцечку персанальных звестак карыстальнікаў інтэрнэт-рэсурсу inmed.by, які аказвае паслугі запісу ў медыцынскія цэнтры ў анлайн-рэжыме.
Як заявіў Нацыянальны цэнтр абароны персанальных звестак, былі выкрадзеныя канфідэнцыйныя даныя 14,5 тысячы кліентаў сэрвісу, а менавіта іх імёны, прозвішчы і кантактныя нумары тэлефонаў.
Цяпер па гэтым інцыдэнце праводзіцца праверка.