Mytnyja staŭki Biełarusi za vyvaz nafty pamienšali jašče bolš
Urad Biełarusi znoŭ pryniaŭ rašeńnie źmienšyć myta na ekspart nafty. Heta praduhledžana pastanovaj Saŭmina № 79 ad 31 studzienia, paviedamlajecca na Nacyjanalnym pravavym internet-partale.
01.02.2023 / 18:59
Urad štomiesiac pierahladaje staŭki ekspartnaha myta na naftu i naftapradukty, jakija vyvoziacca za miežy JEAES.
Minułym razam pošliny mianialisia ŭ pačatku studzienia 2023 hoda: tady jany pamienšali vielmi istotna — amal u try razy.
Lutaŭskija źmieny kudy bolš ścipłyja. Staŭki ciapier buduć takija:
- na syruju naftu, mazut, bitum naftavy, vazielin i parafin, adpracavanyja naftapradukty — 12,8 dalara za tonu (raniej 16,7 dalara);
- na prastahonny bienzin — 7 dalaraŭ za tonu (raniej 9,1 dalara);
- na tavarny bienzin, dyzielnaje paliva, lohkija, siarednija dystylaty, bienzoł, tałuoł, ksiłoły, alivy zmazačnyja — 3,8 dalara za tonu (raniej 5 dalaraŭ).