MZS Ukrainy zaklikała pieradać Michaiła Saakašvili Kijevu
MZS Ukrainy vypuściła zajavu z pratestam suprać niehumannaha abychodžańnia z eks-prezidentam Hruzii, hramadzianinam Ukrainy Michaiłam Saakašvili. Viedamstva zapatrabavała nieadkładna «spynić ździeki» z palityka i pieradać jaho Kijevu.
02.02.2023 / 14:23
Kadr ź videa
U zajavie havorycca, što hruzinskija ŭłady «u najhoršych tradycyjach NKVD SSSR» prymianiajuć da Saakašvili psichałahičny i fizičny hvałt, admaŭlajuć jamu ŭ terminova nieabchodnaj miedycynskaj dapamozie, śviadoma stvarajučy niepasrednuju pahrozu jaho žyćciu.
Jak adznačaje MZS Ukrainy, «hrubaje parušeńnie pravoŭ čałavieka ŭ dačynieńni da ŭkrainskaha hramadzianina idzie nasupierak zadekłaravanamu Tbilisi kursu na zdabyćcio siabroŭstva ŭ ES» i «śviedčyć ab zhortvańni demakratyi ŭ Hruzii».
1 lutaha Saakašvili vystupiŭ dystancyjna na pasiadžeńni suda, fatahrafii ź jakoha apublikavaŭ hruzinski telekanał «Mtavary». Na ich palityk vyhladaje žachliva. Prezident Ukrainy Zialenski zajaviŭ, što ŭrad Hruzii zabivaje Saakašvili i nazvaŭ abychodžańnie ź im štodzionnym katavańniem.