U biełaruskich kramach źjavilisia škarpetki ad Maksima Mirnaha
U biełaruskich kramach źjavilisia škarpetki, jakija možna ličyć mierčam byłoha tenisista Maksa Mirnaha, piša «Kamsamolskaja praŭda».
02.02.2023 / 19:40
Paśla zakančeńnia spartyŭnaj karjery ciapier 45-hadovy samy tytułavany biełaruski tenisist zajmajecca biznesam. U Minsku ŭžo šmat hadoŭ pracuje spartyŭny centr Max Mirnyi Sport Center. A ŭ 2014 hodzie Mirny staŭ tvaram kaśmietyčnaj linii MAX sport ad «Viteks».
Ciapier ža na palicach minskich kramaŭ zaŭvažyli navinku: mierč Maksima Mirnaha ŭ vyhladzie škarpetak. Ich liniejku vypuściła pradpryjemstva ŭ Viciebsku.
Škarpetki tut samyja roznyja: čornyja ź biełymi pałoskami, biełyja ź jarkimi pałosami, šeryja, mužčynskija, dziciačyja… Na etykietcy — vyjava Mirnaha.
Što da cany, to kaštuje Max Mirnyi-mierč u hetym vykanańni da 5 rubloŭ za paru škarpetak. Skład: 80% bavoŭna, 20% — ełastan i inšyja nitki.