Памёр мадэльер Пако Рабан
Вядомы французскі мадэльер Пако Рабан памёр ва ўзросце 88 гадоў.
03.02.2023 / 17:15
Пако Рабан нарадзіўся 18 лютага 1934 года. Сваю першую калекцыю прадставіў у 1966 годзе ў Парыжы. Адзенне было выканана з альтэрнатыўных матэрыялаў: пластыку, паперы, металу.
Пасля Рабан стаў заснавальнікам уласнага дома высокай моды Paco Rabanne. Яго ўборы насілі зоркі кіно, сярод якіх — Одры Хэпберн і Джэйн Фонда.
У 1999 годзе Рабан адышоў ад спраў. Цяпер брэнд Paco Rabanne належыць іспанскаму моднаму канцэрну Puig.