Rasijskamu najomniku, jaki vystupaŭ na scenie z čerapam azoŭca, prastrelili hałavu
Skandalna viadomy rasijski nacyst Ihar Manhušaŭ, jaki vystupaŭ na scenie, jak jon sam śćviardžaŭ, z čerapam abaroncy «Azoŭstali», byŭ ciažka paranieny ŭ patylicu ŭ Łuhanskaj vobłaści. Pra heta pišuć prarasijskija telehram-kanały.
04.02.2023 / 16:59
Kadr ź videa
Adzin z rasijskich kanałaŭ paviedamiŭ, što a pieršaj nočy «kapitan 4 bryhady 2 Armiejskaha korpusa 8 armii US RF, kamandzir uzvoda antyBPŁA Ihar «Bierah» Manhušaŭ byŭ dastaŭleny ŭ niejrachirurhiju horada Stachanaŭ sa ślapym ahniastrelnym kulavym ranieńniem u hałavu».
Pavodle papiaredniaj infarmacyi, streł byŭ zrobleny z karotkastvolnaj zbroi, kula, jak miarkujecca, 9 mm, ź blizkaj adlehłaści ŭ patylična-ciemiannuju vobłaść, kanał ranieńnia zzadu ŭniz pad 45 hradusaŭ.
Vierahodna, Manhušavu strelili ŭ patylicu ź pistaleta, i heta padobna da zamachu na jaho. Paviedamlajecca, što «ŭ intaresach śledstva» dadatkovuju infarmacyju pakul nie vydajuć.
Stan Manhušava — «stabilna ciažki, ź niehatyŭnaj tendencyjaj».
Ihar «Bierah» Manhušaŭ — rasijski najmit i prapahandyst, udzielnik nacyjanalistyčnaha ruchu «Śvietłaja Ruś», lidar stvoranaj na jaho bazie PVK «JENOT».
U žniŭni 2022 hoda Manhušaŭ vystupiŭ u Daniecku na scenie z čerapam. Jon zajaviŭ, što heta čerap abaroncy «Azoŭstali». U tym ža vystupie jon zaklikaŭ da zabojstva ŭkraincaŭ, «deŭkrainizacyi» Ukrainy.