ŽKH: Z minskich dvaroŭ užo prybrali ŭ 15 razoŭ bolš śniehu, čym minułaj zimoj
Jak paviedamiŭ telehram-kanał staličnaha ŽKH, biahučaja zima, asabliva jaje pačatak, adznačyłasia vialikimi abjomami śniehu. U vyniku rabotnikam minskaj žyłlova-kamunalnaj haspadarki daviałosia pracavać kudy bolš napružana.
06.02.2023 / 18:17
Arhanizacyja «Harramaŭtadar» i rajonnyja fiłijały za dva miesiacy vyvieźli kala 360 tysiač kubamietraŭ śniehu na śniežnyja zvałki. Heta, jak padkreślivajecca, u 15 razoŭ bolš, čym letaś.
Uborka śniehu viadziecca ŭ kruhłasutačnym režymie, śnieh dastaŭlajecca ŭ tym liku i na śniehapłavilny punkt, raźmieščany ŭ paŭdniovaj častcy horada.