«Nieprystupnaja krepaść». Hienierał USU patłumačyŭ, čamu rasijanie nie mohuć zachapić Bachmut
Kamandujučy Suchaputnymi vojskami Uzbrojenych sił Ukrainy hienierał-pałkoŭnik Alaksandr Syrski zajaviŭ, što horad Bachmut Danieckaj vobłaści — heta nieprystupnaja krepaść dla voraha. Zajavu hienierała 6 lutaha apublikavaŭ pres-centr Sił abarony i biaśpieki Ukrainy.
06.02.2023 / 20:24
Fota: AP Photo/Libkos, File
Pa słovach kamandujučaha ŭkrainskimi Suchaputnymi vojskami, Bachmucki rajon i sam horad svoječasova padrychtavalisia da abarony. Plus da ŭsiaho, sama miascovaść maje reljefnyja asablivaści: horad akružany vyšyniami i pahorkami, jakija stvarajuć naturalnuju pieraškodu dla praciŭnika.
«Pradumanaja sistema inžyniernych zaharod u spałučeńni z pryrodnym łandšaftam pieratvaryli hety rajon u sapraŭdnuju nieprystupnuju krepaść, la ścien jakoj znajšła śmierć nie adna tysiača vorahaŭ», — zajaviŭ Syrski.
Pa słovach hienierała USU, vajskoŭcy vykarystoŭvajuć jak inžyniernyja, tak i pryrodnyja mahčymaści, kab źniščać «najlepšyja padraździaleńni praciŭnika».