Pa biełaruskich kaściołach vandruje čaburaška ŭ vyšyvancy
Pra siamju, što publikuje fota i videa, kožny raz raspaviadajučy pra historyju kaścioła, jaki naviedvajuć, piša katolik.life.
07.02.2023 / 16:52
Niezvyčajny prajekt raspačali ŭ instahramie sužency Anton i Alina z Minska. Jany stvaryli staronku «Čaburaška Padarožnik» (heta nie źviazana z vychadam novaha filma pra hetaha hieroja — svoj prajekt minčuki pačali raniej), apranuli cacku ŭ admysłovuju vyšyvanku z biełaruskim arnamientam i voziać jaje pa krainie.
Vandroŭniki publikujuć zdymki z Čaburaškam kala admietnych ab’iektaŭ — u asnoŭnym, heta katalickija chramy. Muž i žonka vykładajuć fota i videa, kožny raz raspaviadajučy pra historyju kaścioła, jaki naviedali. Z pačatku 2023 hoda Čaburaška ŭ vyšyvancy paśpieŭ pabyvać u chramach viosak Biełahruda, Žyrmuny, Asava, haradskoha pasiołka Raduń.
Staronka prajekta maje kala 3 tysiač padpisantaŭ. Jak adznačajuć jaho aŭtary, jany lubiać padarožžy i pryhody, marać pra aŭtadom.