Узламалі ютуб-канал блогера Андрэя Павука
абноўлена
Ютуб-канал «Рудабельская паказуха» мае 49 тысяч падпісантаў. На ім блогер Андрэй Павук выкладваў у тым ліку запісы званкоў беларускім чыноўнікам. Цяпер канал захапілі.
12.02.2023 / 17:42
Відэа блогера з канала зніклі, замест гэтага з'явілася трансляцыя пра крыптавалюты. Сам канал перайменавалі ў Ripple Live.
Павук мяркуе, што прычына ў нядаўняй фішынгавай рассылцы.
Блогер кажа, што спадзяецца вярнуць канал, працуе з «Гуглам».
Абноўлена. Праз некалькі гадзін Андрэй Павук вярнуў свой ютуб-канал.